Категории: Events

2024 жылғы 18 қазанда Корольдік біріккен қорғаныс зерттеулер институтында (RUSI) Британдық тараптың бастамасымен ұйымдастырылған «Қазақстан Орта держава ретінде: геосаясат, сыни минералдар және көлік» тақырыбында панельдік пікірталас өтті. Талқылауға MIND, Maqsut Narikbayev University сарапшылары, сондай-ақ Ұлыбританияның жетекші зерттеу орталықтары мен университеттерінің өкілдері қатысты.

Талқылау барысында Мемлекет басшысы Astana Think Tank Forum 2024-те сөйлеген сөзінде Қазақстанның «орта державалар саясатының» негізгі аспектілеріне ерекше назар аударды. Қатысушылар Қазақстанның халықаралық аренадағы маңызды орта держава ретіндегі ұстанымын күшейтуді растайтын сыртқы саяси бастамалар мен реформаларды талқылады. Астананың Орталық Азиямен байланысты нығайту, «С5+1» форматын дамыту, сондай-ақ сирек кездесетін жер металдарын өндіру мен қайта өңдеудегі әлеуеті қаралды, бұл Қазақстанның жаһандық энергетикалық ауысудағы рөлін көрсетеді.

Қазақстан Әзірбайжанмен, Түркиямен және Грузиямен белсенді ынтымақтасатын орта дәліз жобасына ерекше назар аударылды. Бұл жоба Орталық Азия мен Оңтүстік Кавказ арасындағы экономикалық байланыстарды нығайтуда маңызды рөл атқарады, өңірлік қауіпсіздікті интеграциялау және арттыру үшін жаңа мүмкіндіктер туғызады.

Іс-шара Қазақстанның Ұлыбританиядағы Елшілігінің қолдауымен өтті.

12 қазанда MIND MNU «Qazaq Independent Directors» қауымдастығымен ынтымақтастық туралы Меморандумға қол қойды.

Бұл меморандум бірқатар бірлескен жобаларды, ғылыми зерттеулерді іске асыруға мүмкіндіктер ашады. Серіктестік әртүрлі салаларда тәжірибе алмасу және тиімділікті арттыру үшін жаңа перспективалар жасайды.

QID мақсаты Қазақстандық акционерлік компаниялар мен өзге де ұйымдарға корпоративтік Директорлар жұмысының озық тәжірибесін енгізу, тәуелсіз директорлар қызметінің кәсіби және этикалық стандарттарын қалыптастыру және қолдау арқылы акционерлік компаниялардың басқару органдарының жұмысын жақсарту арқылы олардың қызметінің тиімділігін және корпоративтік басқару деңгейін арттыруға жәрдемдесу болып табылады.

MIND MNU «Халықаралық жасыл технологиялар және инвестициялық жобалар орталығы»КЕАҚ-мен ынтымақтастық туралы Меморандумға қол қойды.

Бұл меморандум жасыл технологиялар, тұрақты даму және инвестициялық бастамалар саласындағы бірқатар бірлескен жобаларды іске асыру үшін мүмкіндіктер ашады.

Біз бұл ынтымақтастық қоғам мен қоршаған ортаға пайда әкелетін тұрақты даму жолындағы маңызды қадам болатынына сенімдіміз.

MIND MNU Ұлттық холдингтің ынтымақтастық туралы меморандумына қол қойды.

Бұл серіктестік бірлескен жобалар мен зерттеулер үшін, сондай-ақ ғылыми-технологиялық әлеуетті нығайту үшін жаңа мүмкіндіктер ашады. Біз ынтымақтастық перспективалық бастамаларды іске асырудың маңызды кезеңі болатынына және қоғамның игілігі үшін жаңа технологиялар мен шешімдерді енгізуге ықпал ететініне сенімдіміз.

2024 жылғы 12 қазанда Maqsut Narikbayev University-де журналистер мен сарапшыларды біріктірген іс-шара өтті. «Ақиқаттан кейінгі дәуірдегі фактчекинг әлеуметтануы» тренингі аясында қатысушылар жалған ақпаратқа қалай қарсы тұруға және фактілерді тиімді тексеруге болатынын білді.

Сонымен қатар, деректер журналистикасының мәні қарастырылып, деректермен жұмыс істеу дәл және объективті материалдарды құрудың негізгі құралына айналатыны талқыланды.

MIND презентациясы мен ғылыми жобаларға ерекше назар аударылды. Іс-шара соңында қатысушыларды марапаттау рәсімі өтті.

Біз барлығына белсенді қатысқаны және заманауи журналистиканың дамуына қызығушылық танытқаны үшін шын жүректен алғыс айтамыз.

Maqsut Narikbayev University-дегі MIND қолданбалы ғылыми-талдау орталығының базасында 10 орталық мемлекеттік органның 25 мемлекеттік қызметшісі оқытылды. Семинар-тренинг Қазақстан Республикасы Ғылым және жоғары білім министрлігі Комитетінің ғылыми және ғылыми-техникалық жобаларын бағдарламалық-нысаналы қаржыландыру шеңберінде өтті.

Семинардың тақырыбы «Мемлекеттік қызметті дамыту үдерістерінің ғылыми-әдіснамалық негіздемесі және жаңа Қазақстан құрылысы контекстіндегі мемлекеттік органдар қызметінің трансформациясы» болды.

Тренингке қатысушылар мемлекеттік қызметтің жаңа моделінің негізгі сипаттамалары мен Good Governance қағидаттары туралы түсінік алды. Олар стратегиялық және жобалық менеджментті, көшбасшылықты қолдану дағдыларын игерді, сондай-ақ мемлекеттік жобаларды әзірлеу мен тиімді іске асыруда адам орталықтылығы қағидаттарын басшылыққа алуды үйренді.

2 қазанда MIND Enactus World Cup 2024 қатысушыларына экскурсия ұйымдастырып, оларды Maqsut Narikbayev University атмосферасымен және оның бірегей мүмкіндіктерімен таныстырды.

Іс-сапар біздің қызметімізді тереңірек түсінуге және тұрақты дамуды ілгерілетуге бағытталған жобалармен танысуға бірегей мүмкіндік алған ғалымдарды, зерттеушілерді және студенттерді біріктірді.

Қатысушылар өз әсерлерімен бөлісті және өз елдерінде жүзеге асырып жатқан жобалары туралы айтты. 

26 қыркүйекте халықаралық жобаларды басқару қауымдастығы (IPMA) Хорватияның Шибеник қаласында өткен «Organization, Technology and Management Conference» беделді конференциясы аясында халықаралық аренада «Projectification of Society: The Case of Kazakhstan» кітабын салтанатты түрде ұсынды.

Бұл жай ғана басылым емес, бұл – Қазақстанның тұрақты дамуға апарар жолындағы жобалық басқару арқылы жасалған терең талдау. Бұл кітап – жетілдіруге деген адалдығымыздың және жаһандық өзгерістерге үлес қосуға ұмтылысымыздың айқын көрінісі. Кітапта жобалық басқарудың Қазақстандағы негізгі салаларға – мемлекеттік құрылымдардан бастап бизнеске, білім беру мен азаматтық қоғамға дейінгі – әсері жан-жақты талданады. Басылымда тарихы, кездескен мәселелер, қабылданған шешімдер мен алынған сабақтар қамтылып, халықаралық қауымдастық үшін бағдар бола алатын мазмұн ұсынылған.

Қазақстан осы Халықаралық кітаптар сериясындағы бірінші ел болу құрметіне ие, бұл әлемдік аренада жобалық басқаруды дамытудағы біздің жетекші рөлімізді көрсетеді.

Біз жаңа кезеңдерге — Кейптаундағы IPMA дүниежүзілік конгресінде және SDG Impact Forum-да презентацияларға дайындалып жатырмыз, онда біздің тәжірибеміз халықаралық сарапшылардың кең ауқымына ұсынылады.

Бұл кітаптың халықаралық конференциядағы таныстырылымы MIND пен Maqsut Narikbayev University үшін маңызды оқиға ғана емес, сонымен қатар жаһандық аренадағы позицияларымызды нығайтуға бағытталған маңызды қадам болды. Ол біздің ғылыми және академиялық жетістіктерімізді, сондай-ақ халықаралық ынтымақтастыққа ашықтығымызды айқын көрсетті.

13 қыркүйекте Maqsut Narikbayev University және Қазақстан Республикасы Бас прокуратурасының Құқықтық статистика және арнайы есепке алу комитеті ынтымақтастық туралы Меморандумға қол қойды. Келісім ғылым мен білім саласындағы өзара іс-қимылды нығайтуға бағытталған.

Ынтымақтастықтың негізгі бағыттары:

* Бірлескен аналитикалық зерттеулер және ғылыми жобалар;

* Студенттердің, магистранттардың, докторанттар мен оқытушылардың академиялық ұтқырлығы;

* Ақпарат, жарияланымдар және білім беру материалдарымен алмасу;

* Дербес деректер мен нақты фактілердің құпиялылығы сақталған кезде статистикалық деректерді беру.

Меморандумға қол қою аясында MIND ғылыми-талдамалық орталығының «Қазақстандағы бақылау және қадағалау» және «Астана мен Алматы қалаларындағы онша ауыр емес ұрлықтар мен күш қолдану қылмыстарының кеңістіктік таралуына кешенді талдау» атты зерттеулерінің нәтижелері ұсынылды. Бұл зерттеулер Бас прокуратура тарапынан қызығушылық тудырып, аталған бағыттар бойынша одан әрі ынтымақтастықтың әлеуеті атап өтілді.

Осылайша, қол қойылған Меморандум Қазақстан Республикасы Бас прокуратурасының MIND жүргізетін ғылыми зерттеулер негізінде шешімдер қабылдауы үшін берік негіз құра отырып, бірлескен жұмыс үшін жаңа көкжиектер ашады.

4 қыркүйекте Қазақстан Республикасы Президентінің Ғылым және инновациялар жөніндегі кеңесшісі Күнсұлу Закарияның төрағалығымен ТДМ 2 «Аштықты жою» бойынша жұмыс тобының кездесуі өтті.

Салыстырмалы түрде қысқа мерзім ішінде жұмыс тобы елдің агроөнеркәсіптік кешенін дамыту мәселелері бойынша бірқатар практикалық ұсыныстар дайындады.

• АӨК дамыту мәселелері бойынша талдамалық жазба дайындалып, оларды іске асыру мерзімдері көрсетілген тапсырмалар берілді.
• Жұмыс тобына 15-тен астам сарапшы қатысады.
• Талқылауға Ауыл шаруашылығы министрлігінің, Ғылым және жоғары білім министрлігінің, Ұлттық экономика министрлігінің, Қаржы министрлігінің, Цифрлық даму, инновациялар және аэроғарыш өнеркәсібі министрлігінің өкілдері қатысты.
• ТДМ 2 «Аштықты жою» командасы ұлттық және өңірлік деңгейлерде орнықты даму мақсаттарына қол жеткізу бойынша белсенді жұмысты жалғастырады.

2024 жылдың 9 шілдесінде MIND акселератор командаларының басшылары ҚР Парламенті Сенатының төрағасы Мәулен Сағатханұлымен кездесуде өз жұмысының аралық нәтижелерімен бөлісті.

Кездесу барысында Акселератор жобалау-зерттеу топтары проблемаларға талдау жасап, өздерінің негізгі бағыттарын анықтады:

* пенитенциарлық жүйеде медициналық қызметтермен қамтамасыз ету;

* жоғары білім берудегі инклюзивтілік саясатын әзірлеу;

* Ақмола облысында ет кластерін құру және агротуризмді дамыту;

* өнеркәсіптің Ұлттық ақпараттық жүйесін қалыптастыру;

* Ұлттық ақпараттық жүйені құру арқылы машина жасауды қолдау

* креативті индустриялар саласындағы заңнаманы түзету;

* Бурабай курорттық аймағын декарбонизациялау;

* білім беру мекемелеріндегі сыбайлас жемқорлыққа қарсы күрес;

* мекемелерде және НҚА әзірлеу кезінде сыбайлас жемқорлық тәуекелдерін азайту;

* цифрлық шешімдерді енгізу және депутаттарды оқыту арқылы мәслихаттарда тиімділікті арттыру.

Топтар мәселелерді шешу жолдарын және аралық нәтижелерді ұсынды.

Кездесу соңында топ жетекшілері Сенат Төрағасынан кері байланыс алып, жобаларды іске асыру жөніндегі келесі қадамдарды талқылады.

MIND акселераторы – Қазақстан Республикасы Парламенті Сенатының Қоғамдық жобалық офисі мен Maqsut Narikbayev University (MNU) бірлескен бастамасы. Белгілі болғандай, бұл пилоттық жоба БҰҰ-ның Тұрақты даму мақсаттарына (ТДМ) қол жеткізуге жәрдемдесуді мақсат етеді. MIND акселераторының іске қосылуы 2024 жылғы 3 мамырда өтті. Техникалық жабылуы 2024 жылғы 9 тамызға жоспарланған.

Барлық жұмыстар еріктілік негізде, құрамына мемлекеттік органдардың, бизнес, ғылыми және сараптамалық қауымдастықтардың, ҮЕҰ мен БАҚ өкілдері кіретін командалардың күшімен жүзеге асырылады. Атап айтқанда, командалар құрамына Сенат және мәслихат депутаттары, Сенат жанындағы Аналитика мектебінің түлектері, MNU-дың профессорлық-оқытушылық құрамы, Ақмола облысы әкімдігінің қызметкерлері (пилоттық өңір), БҰҰ Даму бағдарламасы мен басқа да халықаралық ұйымдардың сарапшылары, сондай-ақ бизнес өкілдері енді.

Әртүрлі салалардың мамандарынан құралған топтар ағымдағы жағдайды талдау және инновациялық шешімдерді әзірле үшін MIND-тың авторлық әдістемесін қолданды. Жобаның негізінде GAP-талдау әдістемесі жатыр, ол командаларға тек қазіргі ахуалды зерттеп қана қоймай, әрі қарайғы дамудың жолдарын айқындауға мүмкіндік берді.